Enneshu Poya Pathayil Pokunnithaa - എന്നേശുപോയ പാതയിൽ പോകുന്നിതാ ഞാനും

• Malayalam Lyrics
• English Lyrics

1 എന്നേശുപോയ പാതയിൽ പോകുന്നിതാ ഞാനും
തൻസ്നേഹത്തിൻ കരങ്ങളാലെന്നെ നടത്തുന്നു

യേശുവിന്റെ കൂടെ ഞാൻ കുരിശിന്റെ പാതയിൽ
കുരിശിന്റെ പാതയിൽ പാതയിൽ ഞാൻ പോകുമേ
പതറാതെ പോകുമേ പോകുമേ യേശുവിന്റെ കൂടെ ഞാൻ

2 ബന്ധുമിത്രങ്ങളാദിയോരെ-ത്രയെതിർത്താലും
എന്തുമെൻ ജീവപാതയിൽ വന്നുഭവിച്ചാലും

3 ദാരിദ്ര്യ പീഡമൂലമെൻ ദേഹം തളർന്നാലും
പാരിച്ച ദുഃഖഭാരത്താൽ ഹൃദയം തകർന്നാലും

4 ലക്ഷോപലക്ഷം സ്നേഹിതർ പാപത്തിൽ ചാകുന്നു
രക്ഷാവഴിയവർക്കു ഞാൻ ചൊല്ലേണ്ടതല്ലയോ?

5 ലോകജനങ്ങളെത്രയോ സമരങ്ങൾ നടത്തുന്നു
ക്രൂശിന്റെ വീരസേനകൾ നാം മാത്രമുറങ്ങുകയോ?

6 എന്നായുസ്സ് നാൾ മുഴുവനും തൻ പിൻഗമിക്കും ഞാൻ
നന്നായി പോർപൊരുതിയെൻ ഓട്ടം തികച്ചിടും

English