Ennu Njan Kanum Ninne Manuvele - എന്നു ഞാൻ കാണും നിന്നെ മനുവേലേ

• Malayalam Lyrics
• English Lyrics

എന്നു ഞാൻ കാണും നിന്നെ മനുവേലേ
എന്നു ഞാൻ കാണും നിന്നെ

1 ഉന്നതദേവന്റെ നന്ദനനെങ്കിലും
മന്നിൽ പിറന്നു വളർന്നു നടന്നന്നോനെ;- എന്നു

2 എന്നെ പെരിയൊരു സമ്പന്നനാക്കുവാൻ
തന്നെ ദരിദ്രനായ് തീർന്ന മഹേശനേ;- എന്നു

3 രാജപുരോഹിതസ്ഥാനമുണ്ടാകയാൽ
ജ്ഞാനികളിൽ നിന്നു കാഴ്ച ലഭിച്ചോനേ;- എന്നു

4 സർവ്വഗുണളുമെന്നിൽ പ്രകാശിപ്പാൻ
പർവ്വത സൂക്തികൾ ചെയ്ത പരേശനേ;- എന്നു

5 ഒറ്റിക്കൊടുത്തൊരു യൂദാവിനെ തന്റെ
ഉറ്റസഖാവെന്നു ചൊന്നോരധീശനെ;- എന്നു

6 സാഹായ്യമറ്റവരായ് തന്നുടെ ശിഷ്യരെ
കൈവിടുകില്ലെന്നു മെയ്വാക്കു തന്നോനേ;- എന്നു

7 വിണ്ണിൽ കടന്നു ഞാൻ വീടൊരുക്കീട്ടങ്ങു
നിങ്ങളേയും ചേർത്തു കൊള്ളുമെന്നുമൊഴിഞ്ഞോനെ;- എന്നു
എൻ പ്രിയ രക്ഷകനെ : എന്ന രീതി

English