En Daivame Neyethra Nallavanam - എൻ ദൈവമേ നീയെത്ര നല്ലവനാം വല്ലഭനാം

• Malayalam Lyrics
• English Lyrics

എൻ ദൈവമേ നീയെത്ര നല്ലവനാം വല്ലഭനാം
എന്നെ നീ നടത്തിടുന്നു എൻഭാരം ചുമന്നിടുന്നു
അന്നന്നു നീ വേണ്ടുന്നതെല്ലാം നൽകി പാലിക്കുന്നു

1 ഇദ്ധരയിൽ എല്ലാം പ്രതികൂലമായ് തീർന്നെന്നാലും
കാർമുകിലേറി വന്നാലും ഓളങ്ങളാഞ്ഞടിച്ചാലും
കൈവിടല്ലേ എൻപ്രാണനായകനേ! കാത്തിടണേ

2 മന്നിൽ നിന്നു വിണ്ണിൽ നിൻ സന്നിധാനം ചേരും വരെ
നിൻ മാർവ്വിൽ ചാരി ഞാനെന്നും സീയോനിൻ യാത്ര തുടരാൻ
വിശ്വാസത്തിൻ നല്ലപോർ പൊരുതിടുവാൻ ശക്തി നൽക

3 എന്നേശുവേ എന്നു നീ വന്നിടുമോ ചേർത്തിടുവാൻ
കാലങ്ങൾ ദീർഘമാക്കല്ലേ നിന്നിൽ ഞാൻ നിത്യം ചേരുവാൻ
സീയോനിൽ ഞാൻ മോദമായ് വാണിടുവാൻ എന്നുമെന്നും

മൽപ്രിയനെ എന്നേശു - എന്ന രീതി

English