En Manam Puthugetham - എൻ മനം പുതുഗീതം പാടി

• Malayalam Lyrics
• English Lyrics

എൻമനം പുതുഗീതം പാടി വാഴ്ത്തിപ്പുകഴ്ത്തിടുമേ
ഉന്നതനേശുവിനെ നിത്യജീവനെനിക്കരുളാനവൻ തിരു
ജീവനെത്തന്നല്ലോ എനിക്കവൻ തൻജീവനെത്തന്നല്ലോ

1 സന്തതം തന്നുപകാരങ്ങളെ-ന്നന്തരംഗമോർത്തു പാടിടുമേ
അന്തമില്ലാ കൃപ പകർന്നെൻ ബന്ധനമഴിച്ചവൻ വീണ്ടെടുത്തു
സ്വന്തമാക്കി ദൈവപൈതലാക്കി

2 ലോകം തരാത്ത സമാധാനവും ശോകം കലരാത്തൊരാനന്ദവും
അനുദിനവും അരുളിയെന്നെ അനുഗ്രഹിക്കുന്നവനത്ഭുതമായ്
അനുഗമിക്കുന്നു ഞാനിന്നവനെ

3 പാരിടമിതിൽ പല ശോധനകൾ നേരിടുകിലും ഭയമില്ലെനിക്കു
ചാരിടും ഞാനെൻപെഴും തൻ മാറിടമതിലഭയം തിരയും
മാറിടുമെൻ മനഃക്ലേശമെല്ലാം

4 നല്ല പോരാട്ടം പോരാടിടും ഞാൻ മുമ്പിലുള്ളോട്ടം തികച്ചിടും ഞാൻ
വിശ്വാസത്തെ കാത്തിടുമെന്നാശ്വാസനാട്ടിൽ ഞാനെത്തിടുമേ
ദർശിക്കുമേശുവിൻ പൊൻമുഖം ഞാൻ

English